Yangiliklar

Institut Kengashining 2024/2025-oʻquv yilidagi birinchi son yigʻilishi oʻtkazildi

Andijon mashinasozlik instituti Kengashining 2024/2025-oʻquv yilidagi birinchi son yigʻilishi oʻtkazildi.

📌Yigʻilishni institut rektori, texnika fanlari doktori, Kengash raisi Umid Turdialiyev ochib, barchani kirib kelayotgan Oʻzbekiston Respublikasi Mustaqilligining oʻttiz uch yilligi bilan qutladi.

🗓Kengash kun tartibidagi masalalar koʻrib chiqilib, bir qator muhim mavzular muhokama qilindi. Jumladan, institutning taʼlim va ilmiy faoliyatini yanada rivojlantirishga qaratilgan chora-tadbirlarni oʻz ichiga oladigan 2024/2025 oʻquv yiliga moʻljallangan kengash ish rejasi tasdiqlandi. Yangi oʻquv yiliga tayyorgarlik jarayonlari muhokama qilinib, oʻquv jarayonlari jadvali hamda kredit-modul tizimida 1-kurs bakalavriat taʼlim yoʻnalishlari va magistratura mutaxassisliklari oʻquv rejalari va fan dasturlari tasdiqlandi.

💼Shuningdek yigʻilishda Doktorantura (DSc), tayanch doktorantura (PhD), maqsadli tayanch doktorantura, stajyor-tadqiqotchi va mustaqil tadqiqotchilarning 2024-yil dastlabki olti oylik monitoring natijalari, Taʼlim sifatini nazorat qilish boʻlimi boshligʻining professor-oʻqituvchilarning 2023-2024 oʻquv yili davomida 110 ballik reyting boʻyicha tahlil natijalari va kafedralar kesimidagi hisoboti tahlil qilindi.

➕Bundan tashqari Oʻzbekiston Respublikasi Prezidenti va nomli Davlat stipendiyalari uchun saylov oʻtkazilib, respublika komissiyasi uchun nomzodlar saralab olindi.

✔️Kengash yigʻilishida ilgari surilgan barcha takliflar boʻyicha keng qamrovli muhokamalar oʻtkazilib, tegishli qarorlar qabul qilindi. Bu qarorlar institutning taʼlim va ilmiy tadqiqotlari sifatini oshirish hamda xalqaro hamkorlik va innovatsion rivojlanishni yanada mustahkamlashga xizmat qiladi.