Xalqimizning qadimiy va asl qadriyatlaridan biri hisoblangan hashar koʻpchilikni birdamlikka, ahillikka va mehr-oqibatga undashi hamda oʻz uyini obodonlashtirishga boʻlgan intilishlarini aks ettirishi bilan alohida ahamiyatga ega. Shu boisdan xalqimizda “hashar – elga yarashar”, degan ezgu ibora bor.
Oʻzbekiston Respublikasi davlat mustaqilligining 33-yilligi munosabati bilan oʻtkazilayotgan “Mahalla obod – yurt obod” shiori ostidagi umumxalq xayriya hasharida Andijon mashinasozlik instituti jamoasi ham faol ishtirok etmoqda.
Hashar doirasida institutning barcha binolarining ichki va tashqi hududlarida obodonlashtirish ishlari tashkil qilinib, chiqindilardan tozalanmoqda. Shuningdek, boʻsh turgan maydonlar koʻkalamzorlashtirilib, daraxtlarga shakl berildi, yangi gullar ekilib, bahorda ekilganlari parvarishlandi.
