Andijon tumanidagi “Bogʻishamol” bolalar sogʻlomlashtirish oromgohida Oʻzbekiston metallurgiya va mashinasozlik sanoati tarmoqlari xodimlari kasaba uyushmasi Respublika Kengashining V-tarmoq Spartakiadasi viloyat bosqichi oʻtkazildi.
Mustaqilligimizning 33 yilligi bayrami munosabati bilan tashkil etilgan musobaqada tarmoq tasarrufidagi korxona va tashkilotlarda mehnat qilayotgan 150 nafarga yaqin ishchi-xodimlar ishtirok etdilar.
Ommaviy sportni rivojlantirish, sogʻlom turmush tarzini targʻib etish orqali xodimlar salomatligini mustahkamlash maqsadida tashkil etilgan spartakiadada ishtirokchilar sportning mini futbol, stol tennisi, darts, shaxmat, shashka, suzish, estafeta (yugurish), arqon tortish turlari boʻyicha bellashdilar.
Mazkur spartakiadada Andijon mashinasozlik instituti xodimlar va talabalar kasaba uyushma qoʻmitasi jamoasi ham faol ishtirok etdi.
Qizgʻin va murosasiz kechgan bahslar yakunida shaxmat boʻyicha Gulchehra Umarova, shashka boʻyicha Gulsora Yusupova, darts boʻyicha Iroda Sirojiddinovalar gʻoliblik hamda spartakiadaning respublikasi bosqichida ishtirok etish huquqini qoʻlga kiritdi. Estafeta bahslarida esa institut jamoasi ikkinchi oʻrinni egalladi.
Musobaqa gʻoliblari va faol ishtirokchilar tashkilotchilarning diplom hamda esdalik sovgʻalari bilan taqdirlandilar.
Qayd etish lozim, mazkur doʻstona sport musobaqalari davlat xizmatchilari oʻrtasida samimiy aloqalarning rivojlanishiga munosib xizmat qiladi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
