Islom Karimov nomidagi Toshkent davlat texnika universitetida “ROBOT-Uz-2024” xalqaro tanlovi oʻtkazildi.
Unda maktab oʻquvchilari, talabalar, yosh oʻqituvchi va olimlar, shuningdek, korxonalarning robotlashtirilgan ishlanmalar yaratish va sohani ommalashtirish bilan shugʻullanayotgan yosh mutaxassislar, shu jumladan Andijon mashinasozlik instituti Intellektual boshqaruv va kompyuter tizimlari fakulteti talabalari ham faol ishtirok etdi.
Xalqaro tanlov oʻtkazishdan koʻzlangan maqsad robototexnika sohasidagi iqtidorli yoshlarning ilmiy-texnikaviy ijodini ommalashtirish, muhandislik kasblari nufuzini oshirish, yoshlarning innovatsiya va zamonaviy texnologiyalar sohalariga qiziqishini ragʻbatlantirishdan iboratdir.
Yakuniy natijalarga koʻra, Robo-Sumo. Avtonom mobil robotlar musobaqasi (“Robo-Sumo” radio boshqaruvsiz)da gʻoliblik shohsupasidagi barcha oʻrinlar Andijon mashinasozlik instituti talabalariga nasib qildi.
Jumladan, Mexatronika va robototexnika yoʻnalishi birinchi bosqich talabasi Firdavsbek Madaminjonov birinchi oʻrinni egallagan boʻlsa, Texnologik jarayonlar va ishlab chiqarishni avtomatlashtirish va boshqarish” yoʻnalishi talabalari Mashrabjon Mamadiyorov hamda Oyatillo Abduraximovlar ikkinchi va uchinchi oʻrinlarni qoʻlga kiritishdi.
Gʻoliblar tashkilotchilarning diplom hamda esdalik sovgʻalari bilan taqdirlanishdi.
Institut jamoasi talabalarimizni erishgan muvaffaqiyatlari bilan qutlab, kelgusida yanada yuqori marralarni zabt etishlariga omad tilab qoladi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
