Andijon mashinasozlik instituti Avtomobilsozlik fakultetida “Yangi Oʻzbekistonning yosh muhandislari” shiori ostida intellektual bellashuvlar oʻtkazildi.
Ushbu tadbirlar talabalarning boʻsh vaqtlarini mazmunli tashkil etish hamda ularda ijtimoiy faollikni oshirish va intellektual salohiyatini rivojlantirish maqsadida Avtomobilsozlik fakulteti “Sifat” ilmiy-amaliy toʻgaragi rahbari N.Sotvoldiyeva tashabbusi bilan tashkil etildi.
Tadbirlar avvalida fakultet dekani Akbarjon Baymirzayev institutda talaba yoshlarni oʻz ustida muntazam ishlash va ilmiy-tadqiqot faoliyati bilan shugʻullanishga undash, ularning isteʼdodlarini namoyon etish va ijodiy qobiliyatlarini rivojlantirish, bilimli va iqtidorli yoshlarni yanada qoʻllab-quvvatlashga alohida eʼtibor qaratilayotganini taʼkidladi.
Bellashuvlar mobaynida ishtirokchilar turli yoʻnalishlar boʻyicha oʻzlarining isteʼdodlari va iqtidorlarini namoyon etishdi.
Tadbirda faol ishtirok etgan talabalar fakultet dekanining diplom hamda esdalik sovgʻalari bilan taqdirlandi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
