13-maydan Andijon mashinasozlik instituti barcha fakultetlarida bitiruvchi bosqich talabalarining bitiruv malakaviy (diplom) ishi himoyalari boshlandi.
Ayni kunlarda Iqtisodiyot fakultetining Iqtisodiyot yoʻnalishi bitiruvchilarining bitiruv malakaviy ishi himoyalari boʻlib oʻtmoqda. Bunda talabalar toʻrt yil mobaynida oʻzlashtirgan bilimlarini taqdimot qilmoqdalar.
Bitiruv malakaviy ishi himoyalarida komissiya aʼzolari Andijon qishloq xoʻjaligi va agrotexnologiyalar instituti “Agrobiznes va marketing” kafedrasi mudiri Gulbahor Karimova, OʻZAUTO-AUSTEM” MCHJ qoʻshma korxonasining Iqtisodiy rejalashtirish boʻlimi boshligʻi Mansurbek Yaqubov, “Uz KoCoram Ko” qoʻshma korxonasining bosh mutaxassisi Doniyorbek Yusupov, Iqtisodiyot kafedrasi mudiri Gulmira Zufarova, dotsent Zilola Teshaboyevalar talabalarni baholab bormoqda.
Talabalar nazariy va amaliy bilimlarini bitiruv malakaviy ishini mustaqil bajarib, sohaning muammolariga bagʻishlangan izlanishlar asosida bajarib himoya qilishdi. Bitiruv malakaviy ish mavzularida hozirgi kunning iqtisodiy dolzarb muammolari yechimlarini aks ettirdilar. Himoya ishining mazmuni bitiruvchilarning yetukligi, mustaqil fikrlashi, oʻz sohasining muammolariga yechim izlashi bilan ahamiyatli.
Qizgʻin va savol-javoblarga boy kechgan bitiruv malakaviy ishi himoyasida institut oʻquv ishlari boʻyicha prorektori Suhrobjon Aliyev ham ishtirok etib, oʻquvchilarga oʻz maslahat va tavsiyalarini berdi, kelgusi ijodiy faoliyatida omad tiladi.
Kelajakda barcha bitiruvchilarimizga ulkan zafarlar tilab qolamiz!
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
