Kuni kecha Namangan viloyatining Mingbuloq tumanidagi 47-umumiy oʻrta taʼlim maktabi bitiruvchilari uchun Andijon mashinasozlik institutiga ekskursiya tashkil etildi.
Ekskursiya davomida oʻquvchilarga institutning ilmiy salohiyati, talabalar hayoti, oʻquv jarayoni, laboratoriyalar haqida batafsil maʼlumot berildi. Bundan tashqari, maktab oʻquvchilari ushbu muassasaga sinovlardan muvaffaqiyatli oʻtib qabul qilinsalar, ular uchun yanada kengroq imkoniyatlar yaratilishi, sababi, kundan kunga institutda mavjud yoʻnalishlarga boʻlgan talab taklifning ortib borishi, bu yerda yoshlar uchun yaratiladigan shart-sharoitlar koʻlamini yana kengayishiga va yuksalishiga xizmat qilayotgani borasida maʼlumotlar berildi.
Shuningdek, oʻquvchilar zamonaviy asbob-uskunalar bilan jihozlangan laboratoriyalar, u yerda oʻtkazilayotgan amaliy mashgʻulotlar, axborot resurs markazi, sport majmuasi va boshqa mavjud imkoniyatlar bilan tanishishdi.
Institutga kelgan yoshlarning aksariyati taassurotlari bilan oʻrtoqlashib, kelgusida oʻqishni aynan shu yerda davom ettirish istagida ekanliklarini bildirishdi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
