⚡️ Davlatimiz rahbarining “Zakovat” intellektual oʻyinini aholi, oʻrtasida ommaviy maʼrifiy harakatga aylantirish va boshqa intellektual oʻyinlarni rivojlantirishga oid chora tadbirlari toʻgʻrisida”gi qarori ijrosini taʼminlash, shuningdek, yoshlarning boʻsh vaqtini mazmunli tashkil etish maqsadida har hafta Andijon mashinasozlik institutida turli intellektual tadbirlar oʻtkazib kelinmoqda.
Kuni kecha oʻtkazilgan navbatdagi “Zakovat” intellektual oʻyini “Maʼrifat ulashib” loyihasi doirasida tashkil etildi.
Unda barcha fakultetlarda toʻqqizta jamoa ishtirok etib, oʻzlarining bilimlarini sinovdan oʻtkazishdi.
Jamoa ishtirokchilariga institutga biriktirilgan taniqli ijodkorlar, Oʻzbekiston xalq yozuvchisi, filologiya fanlari nomzodi, professor Muhammad Ali, shoir va jurnalist, “Jadid” gazetasi bosh muharriri oʻrinbosari Humoyun Akbar hamda shoira, “Shuhrat” medali sohibasi Xurshida Vahobjon qizining hayoti va ijodi boʻyicha savollar berildi.
Zukkolik, tezkorlik, yuqori bilim va salohiyat talab etgan intellektual oʻyinning murosasiz bahslar yakunida Avtomobilsozlik fakulteti jamoasi birinchi uchinchi oʻringa sazovor boʻldi.
Intellektual boshqaruv va kompyuter tizimlari hamda Elektrotexnika fakultetlari jamoalari esa ikkinchi va uchinchi oʻrinni qoʻlga kiritishdi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
