Andijon mashinasozlik instituti 1-son talabalar turar joyida 8-mart – Xalqaro xotin-qizlar kuni munosabati bilan madaniy-maʼrifiy tadbir oʻtkazildi.
Tadbir avvalida institut Yoshlar masalalari va maʼnaviy-maʼrifiy ishlar boʻyicha birinchi prorektori Akmaljon Ermatov, xotin-qizlar masalalari boʻyicha rektor maslahatchisi Muhtaramxon Haliqova va Yoshlar ittifoqi institut boshlangʻich tashkiloti yetakchisi Ilhomjon Qobulovlar soʻzga chiqib, barcha qizlarni bayram bilan tabrikladi.
Tadbirda xotin-qizlarga yaratilgan qulaylik va imtiyozlar qayd etildi. Jumladan, oliy hamda oʻrta maxsus va professional taʼlimda tahsil oluvchi xotin-qizlarga 7-yilga 14 foizlik taʼlim kreditlari ajratilayotgani taʼkidlandi.
Shundan soʻng qizlarga talabalar turar joyida istiqomat qiluvchi yigitlarning esdalik sovgʻalari topshirildi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
