Aziz va munis onaxonlar va dilbar opa-singillar sohamizning barcha muhtarama ayollari hamda goʻzal qizlari!
Barchangizga nafis, bahor, muhabbat, goʻzallik, latofat va mehr ramzi boʻlgan 8-mart - Xalqaro xotin-qizlar kuni bayrami muborak boʻlsin!
Yurtimiz turmush tarzining osudaligi, baxt-saodati va totuvligi, olib borilayotgan har bir bunyodkorlik, yaratuvchanlik ishlarida siz ayollarning aql-zakovati, oʻtkir zehni mujassam ekanligini quvonch bilan taʼkidlab oʻtishimiz joiz.
Demak, siz hamisha el-yurt ardogʻidasiz. Sizning salomatligingiz, baxtingiz, shaʼn va huquqingiz biz uchun koʻz qorachigʻidek azizdir.
Aziz va muhtaram opa-singillar!
Barchangizni yurtimizda keng miqyosda nishonlanib kelinayotgan 8–mart - Xalqaro xotin-qizlar kuni munosabati bilan yana bir bor samimiy qutlab, sizlarga sihat-salomatlik, oilalaringizda toʻkin-sochinlik, baxt-saodat, shod-u- xurramlik, sharafli ishlaringizda yangidan-yangi zafarlar tilayman.
Ayollik baxti, bekalik taxti, onalik martabasi sizlarga hamisha hamroh boʻlsin!
Hurmat bilan,
Andijon mashinasozlik instituti rektori
Umid Turdialiyev
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
