8-mart – Xalqaro xotin-qizlar kuni. Ushbu sana munosabati bilan barcha joylarda turli madaniy-maʼrifiy tadbirlar oʻtkazilmoqda. Jumladan, Andijon mashinasozlik institutida ham bayram tantanalari koʻtarinki kayfiyatda nishonlanmoqda.
Erta tongda barcha fakultetlar binolari oldi bayramona bezatilgan boʻlib, ishga va oʻqishga kelayotgan ayol-qizlarimizni faol talaba-yigitlar ehtirom bilan kutib oldilar. Tabriknoma va esdalik sovgʻalari ulashildi.
Yigitlar barcha ayol-qizlarini yaqinlashib kelayotgan goʻzallik bayrami munosabati bilan qutlab, ularga sihat-salomatlik, baxt-saodat, oilaviy farovonlik, barcha ishlarida muvaffaqiyatlar tiladilar. Ularning jamiyatdagi oʻrni yuksalib borayotganini eʼtirof etishdi.
Bunday eʼtibordan mamnun boʻlgan professor-oʻqituvchilar, xodimalar hamda talaba-qizlar yaxshi kayfiyat va yoqimli tabassum bilan kunni boshladilar.
💐Qadrli ayol-qizlarimizga yaxshi kayfiyat nafaqat bahor faslida balki, yil davomida hamroh boʻlishini tilab qolamiz.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
