Andijon mashinasozlik institutida talaba-qizlarning ilmiy, innovatsion va startap loyihalarini rivojlantirish hamda ragʻbatlantirish “Ayollar biznesiga birinchi qadam” biznes gʻoya, startap loyiha tanlovi oʻtkazildi.
Tanlov avvalida Ilmiy innovatsiyalar boʻyicha prorektor Ulugʻbek Madrahimov mamlakatimizda ilm-fan sohasidagi iqtidorli xotin-qizlarning ilmiy va biznes loyihalarini qoʻllab-quvvatlash borasida qator ishlar amalga oshirilib kelinyotganini taʼkidlab, barcha ishtirokchilarga omad tiladi.
Tanlovda olti nafar ishtirokchilar oʻz loyihalarini taqdimot qildilar.
Talaba-qizlar oʻzlarining loyihalarida biznesga yangicha qarashlarini, raqobatbardosh bozorni egallashga boʻlgan ishtiyoqlarini koʻrsatishdi hamda hakamlarning savollariga javob berishdi.
Taqdim etilgan loyihalar hakamlar tomonidan sinchkovlik bilan koʻrib chiqilib, Elektrotexnika fakulteti 3-bosqich talabasi Moxiraxon Mutalipovaning loyihasi yuqori ball toʻplab, gʻolib sifatida tanlab olindi.
“Ayollar biznesiga birinchi qadam” tanlovida gʻolib boʻlgan ishtirokchilar institut tomonidan pul mukofotlari va sertifikatlar bilan taqdirlandilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
