Temuriylar tarixi davlat muzeyi jamoasi hamda Bobur nomli xalqaro jamoat fondi hamkorlikda xalqaro ilmiy boburshunoslik elektron platformasi yaratildi. Mazkur platforma sinov tariqasida https://baburid.uz/ deb nomlanadi va unga 20 000 dan ziyod kitob, maqola kabi fayllarning yuklamasi joylanishi mumkin.
Platformaning bosh sahifasiga tanlangan kontent va maʼlumotlar maktab yoshidagi bolalardan tortib katta yoshli auditoriyani ham oʻziga jalb qilishi nazarda tutilib, boburiylar davriga oid sara miniatyuralar, asarlardan iqtiboslar hamda “Zahiriddin Muhammad Bobur” hujjatli tarixiy dramasidan videolavhalar ajratib olingan va mavzulashtirilgan holda joylashtirib chiqilgan.
Platformaning “Virtual sayohat” boʻlimida “Bobur va jahon madaniyati muzeyi”, “Bogʻi Bobur istirohat bogʻi”, “Boburning ramziy qabri”, “Bobur xalqaro jamoat fondi”, “ Andijon shaharsozlik madaniyati” muzeylariga sayohat qilish imkoniyati yaratildi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
