Davlatimiz rahbarining “Zakovat” intellektual oʻyinini aholi, oʻrtasida ommaviy maʼrifiy harakatga aylantirish va boshqa intellektual oʻyinlarni rivojlantirishga oid chora tadbirlari toʻgʻrisida”gi qarori ijrosini taʼminlash, shuningdek, yoshlarning boʻsh vaqtini mazmunli tashkil etish maqsadida Andijon mashinasozlik institutida talabalari oʻrtasida turli intellektual tadbirlar oʻtkazib kelinmoqda.
Jumladan, Yoshlar ittifoqi boshlangʻich tashkiloti kengash aʼzolari A.Muhammadjonov, Oʻ.Hoshimovlar hamda fakultet koordinatorlari S.Muhiddinov, S.Tavakkalovlar tashabbusi bilan haftaning har seshanba kuni fakultetlararo “Ittifoq billur kubogi” zakovat intellektual oʻyini tashkil etilmoqda.
Talaba yoshlarning aql va zehnini yanada oʻtkirlashtirish, bilim va salohiyatini oshirish, ularning boʻsh vaqtlarini foydali tashkil etish, intellektual salohiyatini yanada yuksaltirib borish maqsadida oʻtkazilgan oʻyinning har bir turida qiziqarli va mantiqiy savollar berilmoqda.
Murosasiz kechayotgan bahslarda zukko va bilimdon talabalar bir-biridan qiziqarli savollarga javob izlab, oʻz topqirligini ishga solmoqda.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
