Andijon mashinasozlik instituti Intellektual boshqaruv va kompyuter tizimlari fakultetida Zahiriddin Muhammad Bobur tavalludining 541-yilligiga bagʻishlab, madaniy-maʼrifiy tadbir tashkil etildi.
Tadbir avvalida institut professor-oʻqituvchilari yigʻilganlarga Zahiriddin Muhammad Boburning ijodiy hayoti haqida gapirib, adabiyotimizga qoʻshgan ulkan hissasini eʼtirof etdi.
Uning betakror sheʼriyati, insonni komillikka undovchi asarlari yosh avlodni ona yurtga muhabbat, istiqlolga sadoqat ruhida tarbiyalashda muhim ahamiyatga ega ekanligi taʼkidlandi.
Kechada talabalar tomonidan Bobur hayoti va ijodi, boy maʼnaviy merosi, asarlari va nodir devonlari, Vatan sogʻinchiga yoʻgʻrilgan gʻazal va ruboiylaridan oʻqildi. Yoshlarning musiqali chiqishlari, sahna koʻrinishlari va kuylagan qoʻshiqlari barchaga manzur boʻldi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
