Andijon mashinasozlik instituti 1-son talabalar turar-joyida istiqomat qilayotgan talaba yoshlar oʻrtasida “Zakovat” intellektual oʻyini boʻlib oʻtdi.
Elektrotexnika fakulteti tomonidan “Vatanparvarlik oyligi” doirasida talaba yoshlarning aql va zehnini yanada oʻtkirlashtirish, bilim va salohiyatini oshirish, ularning boʻsh vaqtlarini foydali tashkil etish, intellektual salohiyatini yanada yuksaltirib borish maqsadida oʻtkazilgan oʻyinning har bir turida qiziqarli va mantiqiy savollar berildi.
Murosasiz kechgan oʻyin bahsida zukko va bilimdon talabalar bir-biridan qiziqarli savollarga javob izlab, oʻz topqirligini ishga soldi.
Yakuniy natijalarga koʻra, “Atom” jamoasi gʻolib deb topildi. Shuningdek, “413” hamda “Shunqorlar” jamoalari ikkinchi va uchinchi oʻrinni egalladi.
Bundan tashqari sportning shaxmat-shashka turi boʻyicha ham musobaqalar tashkil etildi.
Bellashuvlar yakunida shaxmatda Davlatmirza Egamberdiyev hamda shashka boʻyicha Javohir Xolyorovlar gʻoliblikni qoʻlga kiritdi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
