Andijon mashinasozlik instituti 1-son talabalar turar joyida talaba-qizlarning boʻsh vaqtlarini mazmunli va foydali tashkil qilish, ularga uy-roʻzgʻor yuritish sirlarini oʻrgatish, tansiq taomlar pishirish boʻyicha zarur koʻnikmalarni shakllantirish maqsadida oʻqituvchi ayollar tomonidan “Pazanda qiz – oila koʻrki” deb mavzusida master-klass tashkil etildi.
Unda Iqtisodiyot, Avtomobilsozlik, Transport logistikasi hamda Elektrotexnika fakultetlarining Xotin-qizlar masalalari boʻyicha dekan maslahatchilari, kafedralarda faoliyat yuritayotgan professor-oʻqituvchilar va tyutor ayollar tomonidan ovqatlar va pishiriqlar tayyorlash jarayonlari koʻrsatib berildi.
Shuningdek, dasturxon bezash, xushtaʼm va rang-barang salatlar tayyorlash boʻyicha ham koʻrgazmali tushunchalar berildi.
Tadbir yakunida Yoshlar masalalari, maʼnaviy va maʼrifiy ishlari boʻyicha birinchi prorektorb xotin-qizlar maslahat Kengashi raisi va faollari, tyutorlar, talabalar turar joyi tarbiyachi-pedagogi hamda talabalar tayyorlangan pishiriq va taomlar bilan bezatilgan dasturxon atrofida jamuljam boʻlib, mazmunli suhbat qurdilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
