Andijon mashinasozlik institutida axborot xizmati tashabbusi bilan jurnalist va radioboshlovchi Baxtiyor Moʻminov ishtirokida “Notiqlik sanʼati” boʻyicha trening tashkil qilindi.
Unda institut talabalar radiosi jamoasi aʼzolari hamda ushbu yoʻnalishga qiziquvchan talabalar ishtirok etdi.
Trening davomida “Notiqlikning 10 siri” haqida maʼlumot berildi. Turli xil interaktiv oʻyinlar orqali treningga tanlab olingan mavzu kengroq yoritib berildi. Nutq madaniyati va odobi, notiqlik turlari va notiqlik mahorati, notiqlik sanʼatining rahbar faoliyatidagi oʻrni va ahamiyati haqida qiziqarli faktlar keltirib oʻtildi.
Shuningdek, unda amaliy jihatdan chiroyli nutq tuzishning qonuniyatlari, sirlari, til meʼyorlari, nutqning sifatlari, nutq uslublarini oʻrganuvchi va oʻrgatuvchi hamda nutqda uchrashi mumkin boʻlgan nuqsonlar, talaffuzga doir muammolarni hal etish yuzasidan bahs-munozaralar olib borildi hamda kerakli maslahatlar berildi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
