Andijon mashinasozlik instituti Intellektual boshqaruv va kompyuter tizimlari hamda Transport va logistika fakultetlarida “Rahbar va yoshlar” uchrashuv oʻtkazildi.
Unda Ilmiy ishlar va innovatsiyalar boʻyicha prorektor Ulugʻbek Madrahimov ishtirok etib, institutda innovatsion gʻoyalarni joriy etish va qoʻllab-quvvatlash, yoshlarning ilmiy va ijodiy salohiyatini oshirish, yoshlarning analitik fikrlash, ularni ilmiy tadqiqot va innovatsion faoliyatga keng jalb etish, iqtidorli, tashabbuskor yoshlarning oʻz intellektual salohiyatini namoyon qilishi uchun zarur sharoitlar yaratish borasida amalga oshirilayotgan ishlar haqida maʼlumot berdi.
Qayd etish lozim, bugungi kunda Andijon mashinasozlik talaba-yoshlarni ilm-fanga yanada qiziqtirish, ularning ilmiy faoliyatini har tomonlama qoʻllab-quvvatlash, bu borada institutda faoliyat yuritayotgan professor-oʻqituvchilar bilan “ustoz-shogird” anʼanalarini mustahkamlash boʻyicha qator amaliy ishlar qilinmoqda. Mazkur harakatlar natijasi oʻlaroq, oliygoh talabalari nafaqat viloyati yoki Respublika, balki xalqaro miqyosida ulkan marralarni zabt etishmoqda.
Uchrashuvda yoshlar erishayotgan yutuqlari, oʻzlarini qiynayotgan turli muammo va masalalar yuzasidan fikr-mulohazalarini bildirdilar.
Tadbir yakunida oʻqish davrida erishgan yutuqlari, ilmiy-ijodiy ishlari uchun munosib koʻrilgan “Rektor stipendiyasi” hamda atoqli olimlar nomidagi stipendiyalari gʻoliblariga guvohnomalar topshirildi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
