Yangi yil, yangi orzular, yangi yutuq va marralar ibtidosi. Shuningdek, poyoniga yetib borayotgan yilni tarix zarvaraqlariga muhrlaydigan palla. Shunday boʻlsa-da oʻtib borayotgan yil kim uchundir arzirli xotiralarga boy, yana kimlar uchundir armonlar yili boʻldi.
Qanday boʻlmasin, har bir yilning oʻz oʻrni bor. Chunki yangi yil yangi orzular eshigini ochadi, yangi umidlar ostonasiga chorlaydi. Yangi niyatlar roʻyobi uchun harakatga undaydi.
Xalqimizda oʻtayotgan yilni sarhisob, faoliyatlarni tanqidiy va ijobiy nuqtai nazardan tahlil qilish, erishilgan muvaffaqiyat va kamchiliklarni oʻrganish, bu borada maqsadli rejalar tuzib, kelgusi yil uchun mustahkam poydevor tayyorlash yaxshi anʼanaga aylangan.
Andijon mashinasozlik instituti misolida oladigan boʻlsak, yakunlanib borayotgan “Insonga eʼtibor va sifatli taʼlim yili” avvalgi yillarga qaraganda institut maʼmuriyati, professor-oʻqituvchilari hamda talabalari uchun ham esda qolarli lahzalarga boy, sermahsul yil boʻldi.
Xalqaro oliy taʼlim muassasalari bilan aloqalar mustahkamlandi, memorandumlar imzolandi. Ustoz-murabbiylar hamda talabalar xorijiy OTMlarda tajriba oʻtab qaytishgan boʻlsa, oʻndan ortiq xalqaro OTM delegatsiyalari institutimizda boʻlishib, tajriba almashdi.
Qolaversa, talabalarimiz ham bir qator viloyat, respublika va xalqaro koʻrik-tanlov va musobaqalarda sovrinli oʻrinlarni qoʻlga kiritishdi. Prezident va nomdor davlat stipendiyalariga sazovor boʻlishdi.
Albatta, bu kabi yutuqlarni sanab ado etib boʻlmaydi. Shu bois Andijon mashinasozlik instituti axborot xizmati jamoasi tobora yakunlab borayotgan 2023-yilning eng muhim voqealari va yangiliklariga nazar soldi.
Batafsil quyidagi videoda tanishishingiz mumkin:
https://clck.ru/37N9ad
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
