#Tayinlov
Andijon mashinasozlik instituti rektorining buyrugʻi bilan Turgunov Tursunboy Sabirovich moliya-iqtisod ishlari boʻyicha prorektor vazifasini vaqtincha bajaruvchisi etib tayinlandi.
U shu kunga qadar institutning Avtomobilsozlik fakulteti dekani lavozimida ishlab kelayotgan edi.
T.Turg‘unov 1971-yilda Jalaquduq tumanida tugʻilgan. 1993-yilda Toshkent moliya institutini Buxgalteriya hisobi va audit mutaxassisligi boʻyicha tamomlagan. Iqtisodiyot fanlari boʻyicha falsafa doktori (PhD).
Ish faoliyatini 1993-yilda Andijon iqtisodiyot va boshqaruv institutida Iqtisodiy informatika va boshqaruvni avtomatlashtirish kafedrasi izlanuvchi-tadqiqotchiligidan boshlangan.
Turli yillarda kafedra assistenti, Andijon muhandislik-iqtisodiyot instituti aspiranti, Buxgalteriya hisobi va audit kafedrasi katta oʻqituvchisi, Moliya, Avtomatika va elektr-texnologiya fakultetlari dekan oʻrinbosari, Mashinasozlik texnologiyasi, Transport va logistika fakultetlari dekani vazifalarida ishlagan.
Andijon mashinasozlik instituti jamoasi Tursunboy Turgʻunovni ushbu tayinlov bilan muborakbod etadi. Kelgusi ishlarida rivoj va zafarlar tilaydi!
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
