Andijon mashinasozlik instituti axborot-resurs markazida “Art-terapiya uslubida qobiliyatlarni aniqlash va hayotda oʻz oʻrnini topish” mavzusida trening tashkil etildi.
Institut xotin-qizlar masalalari boʻyicha rektor maslahatchisi M.Xaliqova tashabbusi tashkil etilgan treningda talabalarning qobiliyatini aniqlashda dastlab test soʻrovnomasidan foydalanildi. Shundan soʻng Art-terapiyasini qoʻllagan holda rasm chizish mashgʻuloti oʻtkazildi.
Ushbu treningning maqsadi jamoada ruhiy salomatlikni mustahkamlash, oʻqituvchi va talabalarni charchoq va stresslardan chiqargan holda jamoaviy birlikni yanada mustahkamlash maqsadiga qaratilgan.
Art-terapiya — sanʼat va ijodkorlikdan foydalanishga asoslangan psixoterapiya va psixologik korreksiyaning yoʻnalishlaridan biri. Art-terapiya psixo-emotsional holatga ijobiy taʼsir koʻrsatadi, kayfiyati yaxshilanadi, asabiy va ruhiy zoʻriqish yengillashadi, shaxslar-aro xulq-atvor, oʻz-oʻzini hurmat qilish shakllanadi, tasavvur, estetik tajriba, ijodiy oʻzini namoyon qilish rivojlantirib, ijodiy qobiliyatlari ortadi.
Tadbir yakunida Gumanitar fanlar kafedrasi psixologlari, katta oʻqituvchilari D.Rahmonova, B.Yakubova hamda Avtomobilsozlik fakulteti xotin-qizlar masalalari boʻyicha dekan maslahatchisi D.Toʻychiyevalar art-terapiyaning asosiy maqsadi oʻzini namoyon qilish va oʻzini-oʻzi bilish qobiliyatini rivojlantirish orqali ruhiy holatni uygʻunlashtirish mumkinligi toʻgʻrisida maʼlumotlar berib oʻtildi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
