Avval xabar berganimizdek, Janubiy Koreyaning Handong Global universiteti vakillaridan iborat delegatsiya Andijon mashinasozlik institutida boʻlib turibdi.
Universitetdan buyurgan professor-oʻqituvchilar Ah-Ram Kim, Dong Kyou Park, Jung Hyun(Andy) Kim, Kwon-Yeong Lee hamda Sang san Leelar oʻz yoʻnalishlari boʻyicha kafedralarda institut pedagogik xodimlari hamda talabalarga maʼruzalar oʻqishdi. Magistr talabalar Haheon Moon, Hyukjun Ha, Jonghwan Yoo va Meungju Limlar esa Axborot texnologiyalari, Avtomobilsozlik hamda Mehnat muhofazasi kafedralarida oʻtkazilgan dars mashgʻulotlarida ishtirok etishib, talabalarimiz bilan birga saboq olishdi.
Jumladan, professor Dong Kyou Park Avtomobilsozlik kafedrasida ham boʻlib, kafedra professor oʻqituvchilari oʻrtasida ochiq muloqotlar tashkil qilindi va kelgusida hamkorlikda ilmiy loyihalarni amalga oshirish, ilmiy maqolalarni chop etish boʻyicha kelishib olindi.
Tashrif davomida professor Dong Kyou Parkning “AUTOMOTIVE MECHANICS” mavzusida kafedra professor oʻqituvchilariga seminar tashkil qilinib, maʼruzasi tinglandi.
Bundan tashqari Avtomobilsozlik va traktorsozlik yoʻnalishi 3-bosqich 70-21 guruh talabalariga 12 soatlik dars mashgʻulotlarini oʻtkazdi. Qizgʻin taassurotlarga boy boʻlgan mashgʻulotlar davomida talabalarimiz oʻzlarini qiziqtirgan bir qancha savollariga javoblarni olishib, bilimlarini yanada mustahkamlashga erishdilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
