5-dekabr kuni “UI Green Metric World University Ranking” boʻyicha dunyo universitetlarining xalqaro reytingi eʼlon qilindi.
UI Green Metric World University Ranking – “yashil” universitetlarnjng global reytingi hisoblanadi. Ushbu reytingdan Oʻzbekistondan joriy yilda 41 ta OTM joy oldi.
“UI Green Metric World University Ranking” xalqaro reyting natijalariga koʻra, Andijon mashinasozlik instituti dunyo boʻyicha 6550 ball toʻplab, 84 ta mamlakatdagi 1183 ta oliygohlar orasida 454-oʻrinni, respublika oliy taʼlim muassasalari oʻrtasida esa 7-oʻrinni, Fargʻona vodiysi hamda Andijon viloyati esa 1-oʻrinni egalladi.
Institutimiz jamoasini ushbu eʼtirof bilan qutlab, kelgusida bundan ham yuqori natijalariga erishishini tilab qolamiz!
Maʼlumot uchun, UI GreenMetric World University Ranking – UI Greenmetric universitetlarning global ekologik reytingi. Indoneziya universiteti tomonidan 2010-yildan beri oʻtkazib kelinadi.
Reytingni tuzuvchilar ilmiy jamoatchilik eʼtiborini baʼzi ekologik muammolarni hal qilish uchun atrof-muhitni barqaror rivojlantirish siyosati zarurligiga jalb qilishga intiladilar. Asosiy reyting mezonlari energiya isteʼmolini tejash suv resurslaridan oqilona foydalanish, chiqindilarni saqlash va qayta ishlash, ekologik toza transport vositalaridan foydalanish, kampusdagi yashil hududlarning maydoni kabi koʻrsatkichlarni oʻz ichiga oladi.
Reytingda ushbu sohada olib borilayotgan oʻquv va ilmiy faoliyat koʻrsatkichlariga katta eʼtibor beriladi.
“Yashil reyting” boshqa reytinglarga nisbatan bir qator inkor etilmaydigan afzalliklarga ega.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
