Andijon mashinasozlik instituti professor-oʻqituvchilari, ishchi-xodimlari va faol talabalari viloyat yoshlar teatri tomonidan sahnalashtirilib namoyish etilgan “Choʻlpon” spektaklini tomosha qildi.
Oʻzbekiston xalq shoiri, dramaturg Usmon Azimning qalamiga mansub “Kunduzsiz kechalar” pyesasi asosidagi spektaklda bosh rol – Choʻlpon obrazini — Oʻzbek Milliy akademik drama teatr aktyori, “Shuhrat” medali sohibi Hamza Xasanov ijro etgan.
“Kunduzsiz kechalar” pyesasi xalqimizning sevimli yozuvchisi Abdulhamid Sulaymon oʻgʻli Choʻlponning achchiq taqdiri, qatagʻon yillarining tahlikali damlari hamda haqiqat, adolat uchun kurashgan yozuvchining fojiasi haqida hikoya qiladi. Oʻz jonini saqlash uchun sotqinlikdan ham toymaydigan odamlarning qiyofasi ham spektaklda koʻrsatilgan.
Spektakl namoyishida xodimlar va talabalar oʻz rollarini mahorat bilan talqin etgan artistlarning ijrolaridan bahramand boʻldilar va maroqli hordiq chiqardilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
