Asaka shahrida joylashgan “UZ Dong Wong Co” qoʻshma korxonasi Vazirlar mahkamasining 1996-yil 27-dekabrdagi qarori bilan tashkil etilgan.
Korxona “UzAutoMotors” aksiyadorlik jamiyatida ishlab chiqariluvchi avtomobillar uchun ovoz soʻndirgich tizimlari, zarbga qarshi eshik toʻsiqlari va panel qismlari ishlab chiqaradi. Korxonaning yillik quvvati 240 ming komplektni tashkil etadi.
Navbatdagi bitiruvchilarni ish bilan taʼminlash hamda ularni ish beruvchilar bilan yaqindan tanishtirish maqsadida oʻtkazilayotgan uchrashuv ushbu korxona vakillari bilan boʻldi.
Unda korxona bosh direktori vazifasini bajaruvchi Otabek Erkinov, boshqaruvchi direktor Sarvarbek Abdurahmonov ishtirok etdi.
Tadbirda korxonada xodimlarga yaratilgan sharoitlar, ishga joylashish tartiblari, xodimlarni tanlash, kadrlar zaxirasi va boshqalar haqida tushunchalar berildi.
Bitiruvchilar oʻzlarini qiziqtirgan savollariga javob oldilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
