Joriy yilning 24-noyabr kuni Oliy taʼlim, fan va innovatsiyalar vazirining “Barcha oliy, oʻrta maxsus va professional taʼlim muassasalari talabalari va oʻquvchilarining qishki taʼtil davrini mazmunli oʻtkazish hamda professor-oʻqituvchilar uchun seminarlar tashkil etish toʻgʻrisida” buyrugʻi qabul qilindi.
Unga koʻra, barcha oliy, oʻrta maxsus va professional taʼlim (davlat, nodavlat, xorijiy) muassasalarida qishki taʼtil muddati 2023-yilning 25-dekabridan 2024-yilning 7-yanvariga qadar etib belgilandi.
Qayd etish lozim, qishki taʼtilning boshlanish kuni 25-dekabr aynan haftaning birinchi kuni etib belgilanmoqda. Bu talabalarning dars jarayonlarida toʻliq qatnashib, hafta oxiri, dam olish kunlari oʻz manzillariga ketishga tayyorgarlik koʻrishlari uchun qulaylik yaratadi. Dars jarayonlarining boshlanishi esa 2024-yil 8-yanvar, dushanba kuniga toʻgʻri kelmoqda.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
