Andijon mashinasozlik institutida “O‘zavtosanoat” aksiyadorlik jamiyati tarkibidagi “AVTO CLIMATE CONTROL” masʼuliyati cheklangan jamiyati rahbarlari bilan bitiruvchi bosqich talabalarining uchrashuvi oʻtkazildi.
Bitiruvchilarini ish bilan taʼminlash hamda ularni ish beruvchilar bilan yaqindan tanishtirish maqsadida tashkil etilgan uchrashuvda Transport va logistika fakulteti dekani A. Rahimov, Marketing va talabalar amaliyoti boʻlimi boshligʻi M. Maribjonov hamda “AVTO CLIMATE CONTROL” MCHJ bosh direktori B. Mamathonov, xodimlarni boshqarish boʻlimi boshligʻi Z. Madiyarova, muhandislik mahsulotlari yetakchi muhandisi U. Xashimov, kadrlar tayyorlash boʻyicha muhandis Sh. Tursunovalar ishtirok etdi.
Tadbirda korxona faoliyati, xodimlarga yaratilgan sharoitlar hamda ishga joylashish tartiblari, avtosanoat korxonalarida xodimlarni tanlash, kadrlar zaxirasi va boshqalar haqida tushunchalar berildi.
Uchrashuv davomida bitiruvchilar masʼullardan oʻzlarini qiziqtirgan savollariga javob oldilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
