Andijon mashinasozlik institutida 11-noyabr – Kasaba uyushmalari kuni munosabati bilan professor-oʻqituvchi va ishchi xodimlar oʻrtasida sportning voleybol, Shaxmat va Shashka, Tosh koʻtarish, Argʻamchida sakrash hamda stol tennisi turlari boʻyicha “Rektor kubogi” musobaqalari oʻtkazildi.
Musobaqalar qizgʻin va murosasiz bahslarga boy boʻldi.
Yakuniy natijalarga koʻra, stol tennisi boʻyicha ayollar oʻrtasida gʻoliblik Avtomobilsozlik kafedrasidan Nigora Rustamovaga nasib qilgan boʻlsa, Axborot texnologiyalar kafedrasidan Saida Atajanova hamda Transport vositalari muhandisligi kafedrasi Davlatxon Muqimovalar ikkinchi va uchinchi oʻrinlarga munosib koʻrildi. Erkaklar oʻrtasida esa Metrologiya standartlashtirish va mahsulot sifati menejmenti kafedrasidan Shohruh Bahramov tengsiz deb topilgan boʻlsa, ikkinchi va uchinchi oʻrinlar Raqamli taʼlim texnologiyalar markazi xodimi Tojiddin Ergashev hamda Avtomobilsozlik kafedrasidan Abror Ahmadjonovga nasib qildi.
Argʻimchoqda sakrashda esa Oʻzbek tili va adabiyoti kafedrasi mudiri Xolisxon Hasanova, yoshlar bilan ishlash, maʼnaviyat va maʼrifat boʻlimi boshligʻi Muhtaramxon Haliqova, buxgalteriya xodimi Barno Fahriddinovalar uchligi shohsupadan joy oldi.
Erkaklar oʻrtasida tosh koʻtarish boʻyicha Mashinasozlik texnologiyasi kafedrasidan Oybek Abdujabborov, tyutor Gʻayrat Muhammadsherov, avtomobilsozlik fakulteti dekan oʻrinbosari Bobur Nazirovlar oʻzlarining jismoniy tayyorgarliklari kuchliligini namoyon qilishib, gʻoliblikka erishdi.
Qizgʻin va murosasiz oʻyinlarga boy boʻlgan voleybol musobaqalarida gʻalab tyutorlar tomonda boʻldi. Ikkinchi va uchinchi oʻrinlarni esa Intellektual boshqaruv va kompyuter tizimlari hamda Elektrotexnika fakultetlari jamoalari qoʻlga kiritdi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
