Andijon mashinasozlik institutida “Har bir talaba eʼtiborda” shiori ostida sogʻlomlashtirish aksiyasi oʻtkazilmoqda.
Chuqurlashtirilgan tibbiy koʻrik davomida institutda tahsil olayotgan birinchi bosqich talabalarini jalb etish, hamda ularning tibbiy-ijtimoiy muammolarini muhokama qilish koʻzda tutilgan. Shu bilan birga, shifokorlar tomonidan turli kasalliklar kelib chiqishining oldini olish, yoshlarning tibbiy savodxonligini oshirish, sogʻlom turmush tarzini shakllantirish boʻyicha profilaktik-targʻibot ham oʻtkazilishi belgilangan.
Ushbu sogʻlomlashtirish tadbiriga Andijon shahridagi koʻp tarmoqli markaziy hamda 6-sonli poliklinikalarning tor soha mutaxassislari davolash-profilaktika muassasalarining eng malakali shifokorlari mazkur tibbiy tadbirga taklif qilindi.
Ular bir hafta davomida talabaning salomatligini eng zamonaviy tibbiyot asbob-uskunalari yordamida tekshiradilar. Aniqlangan kasalliklarni davolash yuzasidan tegishli tavsiya va maslahatlar berishadi.
Kuni kecha dastlabki tibbiy-ijtimoiy tadbir Elektrotexnika fakultetida oʻtkazildi. Tibbiy tekshiruvlarning bevosita oʻquv maskanlarida uyushtirilganligi talabalarning vaqtini tejashga sharoit yaratdi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
