Andijon davlat universitetida “Kreativ taʼlim va innovatsiyalar — yangi Oʻzbekiston taraqqiyotining asosi” shiori ostidagi “InnoWeek-2023” innovatsion gʻoyalar haftaligi forumining ochilish marosimi oʻtkazildi.
Ushbu forumda viloyatdagi barcha oliy taʼlim muassasalari qatori Andijon mashinasozlik instituti professor-oʻqituvchilari, yosh olimlar hamda izlanuvchilarining innovatsion loyihalari, zamonaviy va ilgʻor texnologiyalar koʻrgazmasi namoyish etilmoqda.
Innovatsion gʻoyalar haftaligi doirasida oʻtkazilayotgan ushbu forum viloyatimizdagi ilm ahlini va ixtirochilarining faoliyati bilan yaqindan tanishish imkonini yaratmoqda.
Qayd etish lozim, haftalik davomida xorijiy va milliy ekspertlar, tahlilchilar Yangi Oʻzbekistondagi oliy taʼlim, fan va innovatsiyalar sohasidagi islohotlar, ularning mohiyati, erishilgan yutuqlar va navbatdagi dolzarb vazifalar, mamlakatda vujudga kelayotgan mutlaqo yangi innovatsion rivojlanish sohasidagi ustuvor vazifalar toʻgʻrisida fikr almashadilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
