Andijon mashinasozlik instituti Mashinasozlik texnologiyasi fakultetida “Talabalarning ilmiy faoliyatga yanada kengroq jalb etish va ularni qoʻllab-quvvatlash” mavzusida davra suhbati oʻtkazildi.
Tadbirda institut rektori maslahatchisi A.Islomov, Mashinasozlik texnologiyasi fakulteti dekani M.Joʻraxonov, Yoshlar ittifoqi boshlangʻich tashkiloti yetakchisi I. Qobulovlar ishtirok etib, mamlakatimizda olib borilayotgan yoshlar siyosati, yoshlarga yaratilayotgan imkoniyatlar haqida soʻzladilar.
Shundan soʻng institut iqtidorli talabalar ilmiy-tadqiqot faoliyatini tashkil etish boʻlimi boshligʻi Z. Sohibova tomonidan iqtidorli talabalarni aniqlash va tanlash, moyilligiga qarab, ularni maqsadli maqsadli tayyorlashni tashkil etish, Iqtidorli talabalar faoliyatini shakllantirish va rivojlantirish boʻyicha dasturlar, ilmiy-tadqiqot, ijodiy ishlarga, ilmiy toʻgaraklarga faol jalb qilish, Respublika va xalqaro miqyosda oʻtkaziladigan ilmiy anjumanlar, fan olimpiadalari, seminarlar, tanlovlar haqida maʼlumot berdi. Shuningdek, Oʻzbekiston Respublikasi Davlat nomdor stipendiyalari, “Umid” jamgʻarmasi, xorijiy fondlar, grantlariga tavsiya qilish boʻyicha tushunchalar berdi.
Shunday tadbir Avtomobilsozlik hamda Iqtisodiyot fakultetlarida ham oʻtkazildi. Unda Ilmiy ishlar va innovatsiyalar boʻyicha prorektor Ulugʻbek Madrahimov ishtirok etdi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
