Andijon mashinasozlik instituti Intellektual boshqaruv va kompyuter tizimlari fakultetida ota-onalar forumi oʻtkazildi.
Unga joriy yilda institutning birinchi bosqichiga qabul qilingan talabalarning ota-onalari taklif qilindi.
Forumda institut birinchi prorektori A.Ermatov va fakultet dekani M.Muxtarov, institut profilaktika inspektori I.Qahhorovlar soʻzga chiqishib, institut tarixi va bugungi kuni, mavjud ichki qoidalar, kredit-modul tizimi, toʻlovlar tartibi haqida maʼlumot berishdi.
Shuningdek, talabalarning darsga qatnashishi, davomati, kiyinish madaniyati, institutda oʻzini tuta olishi, fanlarni oʻzlashtirishi va bu boradagi ota-onalar oldida turgan vazifalar oʻrtaga tashlandi.
Tadbir davomida eng yuqori ballar bilan talabalikka qabul qilingan yoshlarning ota-onalariga tashakkurnomalar topshirildi.
Shundan soʻng ota-onalar institutning auditoriya va laboratoriyalari, sport majmuasi va axborot texnologiyalari markazi, talabalar turar-joyida yaratilgan sharoitlarni koʻzdan kechirdi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
