Andijon mashinasozlik institutida “Yangi hayot uchun, Yangi O‘zbekiston uchun!” shiori ostida "AndMI bitiruvchisi - 2023" tadbiri o‘tkazildi.
Unda so‘zga chiqqan institut rektori Umid Turdialiyev bitiruvchilarni yangi hayot sari qadam qo‘yayotgani bilan samimiy muborakbod etib, ularning kelgusi o‘qish va ish faoliyatiga muvaffaqiyat tiladi.
Bu yil institutni 140 nafar magistr, shuningdek 757 nafar bakalavr bitirmoqda. Ularning aksariyati o‘qishi davomida ko‘plab yutuqlarga erishdi. Jumladan, ular orasida xalqaro va respublika anjumanlari, tanlovlarida muvaffaqiyatli ishtirok etgan, ixtirolar qilgan olgan magistrlar ham bor.
Shundan so‘ng bitiruvchilarga magistrlik diplomlarini topshirish marosimi bo‘lib o‘tdi. Rektor, prorektorlar va rektor maslahatchilari ushbu diplomlarni o‘z egalariga topshirdi.
Tadbir so‘nggida bitiruvchilar hamda ularning ota-onalari ham so‘zga chiqib ustozlarga o‘z minnatdorliklarini bildirdi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
