29 iyul kuni Andijon mashinasozlik institutining Avtomobilsozlik fakultetida 2023/2024-o'quv yilida bakalavriatning Dizayn (avtomobilsozlik dizayni) yo‘nalishiga o‘qishga kirish uchun hujjat topshirgan abituriyentlar uchun kasbiy ijodiy imtihonlar o‘tkazildi.
Abituriyentlar dastlab tushga qadar Rangtasvir fanidan o‘z iqtidorlarini sinovdan o‘tkazishdi. Tushdan keyin Grafik kompozitsiya fanidan imtixon topshirishadi.
Qayd etish lozim, ijodiy imtihonlar orqali eng iqtidorli va yuksak qobiliyat egalarini saralab olish kattagina ma’suliyat talab etadi. Ko‘p yillik tajribaga ega, o‘z kasbining ustalari adolat va haqqoniylik bilan iste’dodli yoshlarni munosib baholab borishmoqda.
Ijodiy imtihonlar o‘tkazilayotgan xonaga maxsus kuzatuv kameralar o‘rnatilgan. Shuningdek, imtihon jarayonlari videokameralar orqali yozib olinmoqda va zarur bo‘lgan holatda ushbu video tasvirlarni ko‘rish imkoni mavjud. Abituriyentlarning ota-onalari imtihon jarayonini fakultet axborot resurs markaziga o'rnatilgan monitor orqali kuzatib borishmoqda.
Ma`lumot uchun, (ijodiy) imtihonlarda korrupsiyaviy holatlarga yo‘l qo‘ymaslik, ochiqlik va shaffoflikni ta’minlash maqsadida jarayonlar institutning Korrupsiyaga qarshi kurashish “Komplayens nazorat” tizimini boshqarish bo‘limi tomonidan qat’iy nazorat qilib borilmoqda.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
