Davlatimiz rahbari tashabbusi bilan mamlakatimizda xotin-qizlarni har tomonlama qo‘llab-quvvatlash, ularning ijtimoiy-iqtisodiy va siyosiy faolliklarini oshirish, ilmiy faoliyatga keng jalb etish, bandligini ta’minlash, tadbirkorlikka keng jalb etish borasida keng ko‘lamli islohotlar amalga oshirilmoqda. Ushbu amaliy harakatlarning natijasi o‘laroq bugungi kunda ayol-qizlarimiz ilm-fan sohasida salmoqli yutuqlarga erishib kelmoqda. Andijon mashinasozlik institutida ham ilm-fan bilan shug‘ullanib, yutuqlarga erishayotgan ayollarni e’tirof etish hamda ularning qimmatli tajribalarini ushbu yo‘lga qadam qo‘yayotganlarga yetkazish maqsadida joriy yilning 10-fevral kuni “Mashinasoz ayollar - 2023” forumi bo‘lib o‘tdi.
Forumni institut xotin-qizlar masalalari bo‘yicha rektor maslahatchisi R.Yusupova barcha institut ayollari va talaba-qizlarni tabriklash bilan ochib berdi. Shu bilan birga institutda faoliyat olib borayotgan “Olima ayollar” uyushmasi raisi I.Sirojiddinova ham so‘zga chiqib xotin-qizlarning ilm-fan sohasidagi oxirgi yillarda erishilgan natijalar va yutuqlar bo‘yicha, "Buxgalteriya hisobi va menejment" kafedrasi dotsenti, iqtisod fanlari nomzodi M.Dadajanova “Xotin-qizlarning jamiyatdagi faolligini oshirish masalalari”, "Gumanitar fanlar" kafedrasi dotsenti, falsafa fanlari nomzodi M.Karimova "Ilmning islomiy bahosi", "Gumanitar fanlar" kafedrasi dotsenti, falsafa fanlari nomzodi Z.Aripova "Gender tengligi: xotin-qizlar o‘rni", "Mashinasozlik ishlab chiqarishini avtomatlashtirish" kafedrasi katta o‘qituvchisi S.Atajanova "Texnika oliygohlarida STEM ta’limini rivojlantirish muammolari" mavzularida ma’ruzalar qildilar hamda mavzu bo‘yicha muhokamalar bo‘lib o‘tdi.
Andijon mashinasozlik institutining
Axborot xizmati
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
