🏛 2022-yil 5-yanvar kuni Andijon yoshlar texnoparki hamda Andijon mashinasozlik instituti hamkorlikda “Innovatsion ko‘rgazma” tashkil etildi. Dastlab texnopark anjumanlar zalida institut rektori U.Turdialiyev va texnopark direktori A.Yakubov, institut professor-o‘qituvchilari, talabalar, uyushmagan yoshlar ishtirokida ochiq suhbat bo‘lib o‘tdi. Suhbat davomida Andijon yoshlar texnoparkiga yoshlarni keng jalb qilish, institut va texnopark o‘rtasidagi hamkorlik aloqalarini yuksaltirish, institutdagi amaliyot va laboratoriya mashg‘ulotlarini texnoparkda o‘tkazish, yangi innovatsion loyihalarni ishlab chiqish va ularni moliyalashtirish hamda istiqbolli loyihalarni qo‘llab-quvvatlash bo‘yicha so‘z bordi.
⚙️ Ochiq suhbatdan so‘ng ko‘rgazma ishtirokchilari uchun texnopark bo‘ylab ekskursiya uyushtirildi. Ekskursiya davomida texnoparkda tashkil etilgan o‘quv kurslari, texnoparkning imkoniyatlari tanishtirildi.
📄 Shuningdek ushbu ko‘rgazma yakunida Andijon mashinasozlik instituti hamda Andijon yoshlar texnoparki o‘rtasida keng ko‘lamli hamkorlik memorandumi imzolashga kelishib olindi.
Manba: AndMI matbuot xizmati
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
