Prezidentimiz tomonidan respublikamiz boʻylab “Yashil makon” umummilliy loyihasi doirasida yiliga 200 million tup daraxt va buta koʻchatlarini ekish, shu orqali shaharlardagi yashil maydonlarni hozirgi 8 foizdan 30 foizga oshirish dolzarb vazifa qilib belgilandi.
Ushbu loyihaga Andijon mashinasozlik instituti jamoasi ham o‘z hissasini qo‘shmoqda. Bugun, 22-noyabr kuni institutning Avtomobilsozlik fakulteti binosi hamda 2-talabalar turar joyi binolari hududiga 200 tup uzum ko‘chatlari ekildi. Undan avval esa 1000 tup anor, 120 tup pavloniya manzarali daraxtlari ekilgan edi.
Ko‘chatlar institut rektori Turdialiyev Umid Muxtaraliyevich boshchiligida O‘zbekiston yoshlar ittifoqi institut boshlang‘ich tashkiloti faol yoshlari tomonidan o‘tqazildi. “Yashil makon” umummilliy loyihasi doirasida ko‘chat ekini ishlari hali davom etadi.
Manba: AndMI matbuot xizmati
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
