2021-yil 2-noyabr kuni Andijon mashinasolik instituti Yoshlar bilan ishlash, ma’naviyat va ma’rifat bo‘limi tomonidan institutning 1-talabalar turar joyida istiqomat qiluvchi talaba-qizlar, Yoshlar bilan ishlash bo‘yicha dekan muovinlari, guruhlarga biriktirilgan tyuterlar, pedagog tarbiyachilar ishtirokida "Raxbar, pedagog va talaba- qizlarning muomila madaniyati va axloqiy qiyofasi" mavzusida nazariy seminar o‘tkazildi. Seminarda viloyat otinoyisi Sh.Qosimova, viloyat hokimligi diniy kotibiyat xotin-qizlar masalalari bo‘yicha maslahatchisi I.Axmedova, institut yoshlar masalalari, ma’naviy- ma’rifiy ishlar bo‘yicha prorektor A.Ermatov, institutning yoshlar bilan ishlash, ma’naviy va ma’rifiy ishlar bo‘yicha bo‘lim boshliG‘i M.Xaliqova hamda institutning xotin-qizlar masalalari bo‘yicha rektor maslahatchisi R.Yusupovalar ishtirok etdilar.
Seminarda so‘zga chiqqanlar tomonidan mamlakatimiz ta’lim muassasalarida axloqiy tarbiya hamisha e’tiborda ekanligi, so‘nggi yillarda prezidentimiz tashabbuslari bilan ayollarga yaratilayotgan imkoniyatlar, xususan, ayollar daftari, yoshlar daftarlariga kiritilgan ijtimoiy ko‘makka muhtoj xotin-qizlar uchun oliy ta’lim muassasalariga ajratilayotgan qo‘shimcha grantlar hamda ularni kasbga yo‘naltirish, ish bilan ta’minlash bo‘yicha olib borilayotgan keng qamrovli islohotlar ayollarga qilinayotgan e'tibordan dalolatdir. Shuningdek xotin-qizlarni e’zozlash: ularni asrab-avaylash, ularning tarbiyasiga befarq bo‘lmaslik belgisidir. Mehmonlar tomonidan tarbiyaning ichiga esa, o‘zini tuta bilish, sabr-toqat, sezgirlik, vijdon, oriyat kabi xususiyatlarni o‘z ichiga olishi aytib o‘tildi. Hozirgi kunda jamiyatimizda uchrayotgan ijtimoiy muammolarning asosiy qismiga yechim topishda xalqimizning milliy-ma’naviy qadriyatlar ilmini chuqur o‘rganish kerakligi haqida ham fikrlar bildirildi. So‘ngi yillarda yurtimizda yoshlar bilan ishlash sohasida bo‘layotgan katta o‘zgarishlar, oliy ta’lim muassasalarida talaba-yoshlar bilan ishlashda yangi yo‘nalish tyuter lavozimining kiritilganligi yoshlarga katta e’tibor berilayotganligining yana bir isboti sifatida ko‘rish mumkinligi ta’kidlandi.
Seminar so‘ngida talabalar o‘zlarini qiziqtirgan savollarga mehmonlar tomonidan javoblar olishdi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
