News image

Muallif: AdminSana: 2022-05-10 05:35:52

Андижон Машинасозлик институти Муқобил энергия манбалари кафедраси докторанти М Шамшиддинов ва кафедра 3 – курс талабалари ЎзР ФА Материалшунослик институтида ўтаган амалиёти

        Ўзбекистон Республикаси Президентининг 2017 йил 27 июлдаги “Олий маълумотли мутахассислар тайёрлаш сифатини оширишда иқтисодиёт сохалари  ва тармоқларининг иштирокини янада кенгайтириш чора – тадбирлари тўғрисида”ги   ПҚ – 2909 ва ПҚ – 3151 сонли ҳамда Ўзбекистон Республикаси Президентининг 2018 йил 5 июндаги “Олий таълим муассасаларида таълим сифатини ошириш ва уларнинг мамлакатда амалга оширилаётган кенг қамровли ислоҳотларда фаол иштирокини таъминлаш бўйича қўшимча чора-тадбирлар тўғрисида”ги ПҚ-3775-сон қарорларининг ижросини таъминлаш мақсадида Ўзбекистон Республикаси Олий ва Ўрта махсус таълим вазирлиги Андижон Машинасозлик институти  замонавий талабларга жавоб бера оладиган юқори малакали мутахассисларни тайёрлаш вазифасини ўз олдига устувор йўналишлардан бири сифатида қўйган, шу мақсад йўлида кафедра докторанти ва талабалари Материалшунослик институтининг Катта Қуёш Печи жойлашган худудида амалиёт ўтадилар


Андижон машинасозлик институти доторанти М. Шамшиддинов ва 3-курс 341-19 гурух талабалари амалиёт даврида қуйидаги сохалар бўйича назарий ва амалий билимларга эга бўлишди:

- Талабалар амалиёт ўташ жараёнида Материалшунослик институти илмий ишлар бўйича директор ўринбосари Ш.Р. Нурматов билан учрашувда институтда олиб борилаётган ишлар ва лойихалар бўйича танишдилар. Олиб борилаётган илмий изланишлар ва лойихаларни амалга ошириш тартиб қоидалари ҳақида давра суҳбати қизғин тус олди

- Талабалар институт илмий ходими Р.Ю. Акбаров билан биргаликда  “Қуёш энергияси ресурслари. Қуёш энергияси концентраторлари ва уларнинг оптик-энергетик кўрсатгичларини ҳисоблаш” мавзуларида назарий ҳамда амалий ишларни амалга оширдилар.

Талабалар институт катта илмий ходими “Катта Қуёш қурилмалари” лабораторияси мудири т.ф.н Ю.Б. Собиров “Қуёш энергисидан фойдаланиб яшил водород олиш технологияси” мавзусида институтда олиб борилаётган изланишлар тўғрисида атрофлича мухокамалар қилишдилар.

Талабалар шунигдек институтдаги Катта Қуёш Печи, кичик қуёш печлари, теплофизик изланишлар лабораториясидаги ишлатилаётган қурилмалар иш фаолияти билан танишишди ва ўзлари ҳам тажрибаларда иштирок этишдилар ва амалий ҳамда назарий кўникмалар ҳосил қилинди


Top