2021 yil 28 sentyabr kuni Andijon mashinasozlik institutida tahsil olayotgan talaba qizlar bilan " Kelajak avlodning rahbar Xotin-qizlari jamiyat va oilada qanday o`rnak bo`lishlari kerak" mavzusida davra suhbati olib borildi. Davra suhbatiga Andijon viloyati hokimining Xotin-qizlar masalalari bo`yicha maslahatchisi, Mahalla va oilani qo`llab-quvvatlash boshqarmasi boshlig`ining 1-o`rinbosari M.Nizomova, Andijon viloyatining bosh otinoyisi Sh.Qosimova va Andijon viloyati sog`liqni saqlash boshqarmasidan ayollar shifokori G. Bobojonovalar tashrif buyurdilar. Yig`ilishni institut “Xotin-qizlar maslahat kengashi” raisi R.Yusupova olib bordi.
Institutda tahsil olayotgan talaba qizlarimiz - bo`lgusi rahbar ayollar va kelajak avlod davomchilari bo`lgan yosh onalar va kelinlar uchun sermazmun tarzda olib borilgan davra suhbati davomida yurtimizdagi siyosiy jarayonlar, olib borilayotgan islohotlar borasida tushunchalar berish bilan bir qatorda, har sohada muammolar yechimini topish va joyida ijobiy hal etish, oilaviy ajrimlarnihg oldini olish hamda kelajak avlodlarni jonajon vatanimiz uchun sog`lom muhitda, sog`lom holda dunyoga keltirish, ularga munosib tarbiya berish uchun eng dolzarb mavzular yoritib berildi.
Shuningdek davra suhbati chog`ida tashrif buyurgan mehmonlar tomonidan berilgan : "Atoqli o`zbek olimalarining hayoti va ijodi", “Talaba qiz odobi"," Milliy liboslarga bo`lgan hurmat-e`tibor” , “Odobli talaba qiz qanday bo’lishi kerak” mavzularidagi bir qator savollarga talaba qizlar tomonidah ijobiy va sermazmun javoblar tinglandi. Institutda xotin-qizlarga yaratilgan shart- sharoitlar hamda odob-axloq etikasiga rioya etishi (kiyinish odobi, muomala madaniyati, “Mobil telefon”da so‘zlashish madaniyati, salomlashish odobi) kabi masalalar bo’yicha tushuntirishlar olib borildi. Andijon viloyatining faol rahbar ayollari hamda institut “Xotin-qizlar maslahat kengashi” hamkorlikda institutda tahsil olayotgan talaba qizlar bilan davra suhbatlari va uchrashuvlarni tashkil etib borish davomli ravishda amalga oshirib boriladi.
Manba: AndMI matbuot xizmati
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
