Institut “Yoshlar bilan ishlash, ma’naviyat va ma’rifat” bo’limi hamda institut “Xotin-qizlar maslahat kengashi” hamkorlikda institutda tahsil olayotgan talaba qizlar bilan davra suhbati hamda uchrashuvlarini tashkil etdi. Uchrashuvlarda institut “Yoshlar masalalari” bo’yicha prorektor A.Ermatov, Institut “Yoshlar bilan ishlash, ma’naviyat va ma’rifat” bo’limi boshlig’I M.Halioqva, “Xotin-qizlar masalalari bo’yicha” rektor maslahatchisi R.Yusupovalar hamda “Xotin-qizlar maslahat kengashi” a’zolari ishtirok etdi. Davra suhbatlarining mavzusi “Talaba odobi” mavzusida bo’lib talaba qizlarga “Odobli talaba qiz qanday bo’lishi kerak?” savolga talabalardan javoblar tinglandi. Shuningdek yurtimizdagi siyosiy jarayonlar, olib borilayotgan islohotlar borasida ham talabalarga tushunchalar berildi. Institutda xotin-qizlarga yaratilgan shart- sharoitlar va ulardan foydalanish qoidalari, professor – o‘qituvchi, talaba – qizlarning ichki mehnat intizomi hamda odob-axloq etikasiga rioya etishi (kiyinish odobi, muomala madaniyati, “Mobil telefon”da so‘zlashish madaniyati) kabi masalalar bo’yicha tushuntirishlar olib borildi.
Barcha fakultetlar kesimida uchrashuvlar tashkil etilganidan so’ng davra suhbati institut talabalar turar joyida istiqomat qiluvchi talaba qizlar uchun tashkil etildi. Suhbat davomida talabalardan talabalar turar joyidagi yashash sharoitlarini yaxshi saqlash, umumiy foydalaniladigan xonalar hamda jihozlarni pokiza saqlash hamda yashash xonalarini ham doimo ozoda tutishlari kerakligi aytildi. Talaba qizlarga " Qizlarjon" klubi ostida tashkil qilingan to‘garaklardan oilaga tayyorgarlik masalalarini va kichik tadbirkorlikni yo‘lga qo‘yish maqsadida unumli foydalanishlari yuzasidan foydali maslahatlar ham berildi.
Manba: AndMI matbuot xizmati
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
