Andijon mashinasozlik instituti “Metrologiya, standartlashtirish va maxsulot sifati menejmenti” kafedrasi tashabbusi bilan jaxonda o’z o’rni va ilmiy salohiyatiga ega bo’lgan Malayziyaning Kuala Lumpur Universitetining “Sifat muxandisligi” kafedrasi bilan ilmiy xamkorlikni boshladi.
Zoom platformasi orqali o’tkazilgan dastlabki yig’ilishda Kuala Lumpur Universiteti Sanoat texnologiyalari fakulteti dekani Dr. Mazlan Awang, ilmiy ishlar bo’yicha koordinator Mohd Amran, “Sifat muxandisligi” kafedrasi professor-o’qituvchilari Aida Rohaya Omar, Mohaizan Ahmad va xalqaro aloqalar bo’yicha koordinatori Syazwa Nabila va Andijon mashinasozlik instituti tomonidan institut Xalqaro hamkorlik bo’limi xodimlari F.Karimova, Z.Jo’raev, MSMSM kafedrasi professor-o’qituvchilari, B.Xamdamov, X.Vasiyev, kafedra doktaranti Yo.Ismoiljonovlar ishtirok etdi.
Dastlab, xar ikki tomon oliy ta’lim muassasalari faoliyati, o’quv jarayoni, amalga oshirilayotgan ilmiy tadqiqotlar, halqaro loyihalar va talabalarga yaratilgan sharoitlar bo’yicha prezentatsiya orqali ma’lumotlar berildi hamda o’zaro fikr-mulohazalar almashdilar.
Ko’tarinki ruxda o’tgan dastlabki uchrashuvda, Andijon mashinasozlik instituti “Metrologiya, standartlashtirish va maxsulot sifati menejmenti” kafedrasi hamda Kuala Lumpur Universitetining “Sifat muxandisligi” kafedrasi o’rtasida tajriba almashish, ilmiy loyixalarni xamkorlikda ishlab chiqish, talabalar uchun onlayn darslar tashkil qilish bo’yicha amalga oshiriladigan ishlar kelishib olindi.
Manba: “Metrologiya, standartlashtirish va maxsulot sifati menejmenti” kafedrasi assistenti X.Vasiyev
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
