22 iyun 2021 yil kuni institut Xotin-qizlar maslahat kengashi raisi R.K.Yusupova O‘zbekiston Respublikasi Oliy Majlisi Senatining 2021 yil 28 maydagi SQ-297-IV-sonli qarori bilan 2030 yilga qadar O‘zbekiston Respublikasida gender tenglikka erishish strategiyasi tasdiqlanganligi, Oliy va o‘rta maxsus ta’lim vazirligi tizimidagi ta’lim muassasalaridagi Xotin-qizlar maslahat kengashi raislarining mazkur qarordan xabardorligini oshirish, Gender strategiyasining mazmun-mohiyatini tushuntirish maqsadida, joriy yilning 14-15 iyun kunlari Farg‘ona davlat universitetida “Gender tenglikka erishish strategiyasini hayotga tatbiq etishda xotin-qizlarning roli” mavzusidagi amaliy seminar tafsilotlarini oliygohdagi kelgusida ilm bilan shug‘ullanish istagida bo‘lgan iqtidorli talaba qizlar bilan o‘rtoqlashdi. Ushbu seminar-treningni O’zbekiston Respublikasi Oliy Majlis Senati raisi tashabbusi bilan mintaqada ilk marotaba Farg‘ona davlat universitetida tashkil etilganligi va seminar-treningni kirish so`zi bilan T.Narbayeva ochib berganligini qayd etdi va barchani etiborini ekranga qaratishlarini so`radi, seminar-trening davomida ko‘rib chiqilgan masalalar yigilganlar etiboriga havola qilindi.
Tadbirda Oliy va o’rta maxsus ta’lim vaziri Abduqodir Toshqulov onlayn shaklida ishtirok etib, har bir oliy ta’lim dargohlaridagi baraka, rivoj – shu joyda ishlovchi ayollarimizning pokiza va fidoyi mehnatlari mevasi ekanligini ta’kidladi.
O‘tkazilgan seminar treningning ochilish marosimida Oliy va o‘rta maxsus ta’lim vazirligi, Ichki ishlar vazirligi, Din ishlari bo‘yicha qo‘mita, Huquqbuzarliklar profilaktikasi bosh boshqarmasi, Mahalla va oila ilmiy-tadqiqot instituti, O‘zbekiston xalqaro islom akademiyasi va Toshkent davlat sharqshunoslik universiteti mutasaddi vakillari gender tenglikka erishish strategiyasi bo‘yicha o‘z nutqlari bilan ishtirok etdilar.
Davra suhbati davomida seminar-treningda Gender tenglikka erishish strategiyasining mazmun mohiyati va gender tenglikni ta’minlashning huquqiy asoslari, ta’lim muassasalarida ta’lim va tarbiya uyg‘unligini ta’minlashda xotin-qizlarning o‘rni hamda “Gender tenglik masalalari bo‘yicha tadqiqotlar markazi” faoliyatini barcha oliy ta’lim muassasalarida tashkil etishni yo’lga qo‘yish zarurligi haqida Farg’ona davlat universiteti qoshidagi ushbu markaz faoliyati bilan bog‘liq ma’lumotlarni iqtidorli talaba qizlarga tanishtirib o‘tdi.
Talaba qizlar o`zlarini qiziqtirgan savollarga kerakli javoblarni oldilar.
Manba: AndMI matbuot xizmati
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
