8-aprel kuni Andijon mashinasozlik instituti qoshidagi Talabalar assotsiatsiyasi hamda Iqtidorli yoshlar bilan ishlash boʻlimi hamkorlikda institutda tahsil olayotgan iqtidorli talabalar va guruhlardagi ilmiy faoliyat yetakchilari uchun ilmiy-innovatsion hayot, Prezident va nomli davlat stipendiyalari tanlovlarida ishtirok etish tartibi, ilmiy maqola va tezislar yozish hamda ularni nufuzli konferensiya materiallar toʻplamlari, shuningdek, ilmiy jurnallarda chop etish boʻyicha ilmiy seminar tashkil etildi.
Seminarda 2020-2021-oʻquv yili "Beruniy" nomidagi davlat stipendiyasiga sazovor boʻlgan talabalar M.Ibrohimova, N.Sotvoldiyeva hamda "Islom Karimov" nomidagi davlat stipendiyasi sohibi S.Azimovlar spiker sifatida ishtirok etdilar. Jarayonni Talabalar assotsiatsiyasi prezidenti A.Akbarov boshqarib bordi.
Otabek Odilov, Bekzod Yusufaliyev, Institut matbuot xizmati xodimlari
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
