OʻZBEKISTON-ROSSIYA III TAʼLIM FORUMI: ANDIJON MASHINASOZLIK INSTITUTI XALQARO HAMKORLIK ALOQALARI KENGAYMOQDA
26-27-oktabkr kunlari Samarqand shahrida Oʻzbekiston-Rossiya III taʼlim forumi bo‘lib o‘tmoqda. Forumda respublikamiz oliy ta’lim muassasalari vakillari hamda Rossiya ta’lim vakillari o‘rtasida keng ko‘lamli masalalar muhokamasi bo‘lib o‘tmoqda.
Ushbu forumda Andijon mashinasozlik instituti rektori U.M.Turdialiyev boshchiligida institutimiz vakillari ham faol ishtirok etmoqda. Bugun forum doirasida Andijon mashinasozlik instituti hamda N.E.Bauman nomidagi Moskva davlat texnika universiteti o‘rtasida hamkorlik shartnomasi imzolandi.
Shartnoma bo’yicha ikki OTM hamkorlikda professor-o‘qituvchilarining salmoqli intellektual salohiyatidan foydalangan holda qo‘shma axborot-tahliliy, ilmiy-ma’rifiy, ta’lim va madaniy loyihalarni amalga oshiradilar, shuningdek ilmiy va taʼlim sohasidagi strategik sheriklikni yoʻlga qoʻyish, ilgʻor ilmiy va taʼlim tajribasini almashish uchun qulay shart-sharoitlar yaratish va xalqaro miqyosda integratsiyaviy aloqalarni rivojlantirishning umumiy yoʻlida universitetlar oʻrtasidagi oʻzaro hamkorlikni yanada kuchaytirish, aspirantura va doktorantura orqali ilmiy kadrlarni birgalikda tayyorlash, qo‘shma (tarmoq) elektron kutubxona yaratish, elektron va masofaviy ta’lim uchun infokommunikatsiya resurslarini integratsiyalash, professor-o‘qituvchilarning amaliyot va malaka oshirish kurslarini tashkil etish kabi masalalarda ish olib borishadi.
Andijon mashinasozlik instituti
Axborot xizmati
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
