Oila - jamiyatning mo‘jaz, kichik bir bo‘lagi. Agar oilaning negizini sof insoniy tuyg‘ular, muhabbat tashkil qilsa, unda totuvlik va baxtiyorlik hukm suradi.
Tabiiyki, bunday muhitda farzandlar sog‘lom ulg‘ayishadi. Oila muqaddas, oila millat sharafini yuqori martabaga ko‘taradigan madaniyat o‘chog‘idir.
Oila an’analarini asrab-avaylovchi, avlodlar o‘rtasidagi ma’naviy ko‘prik vazifasini qaynonalar o‘taydi.
O‘zbek xalqi uchun qaynona – bu nafaqat umr yo‘ldoshining onasi, balki kelinning ham hayotiy murabbiyi, ustozi, ba’zan esa oila muhitidagi eng muhim tarbiyachidir.
O‘zbek oilalarida qaynonalar qadimdan oilaning ma’naviy tayanchi hisoblangan. Oiladagi urf-odatlarni o‘rgatish va unga yo‘l-yo‘riq ko‘rsatish qaynonaning asosiy vazifalaridan biri hisoblanadi.
Kuni kecha Andijon mashinasozlik institutida “Oila-muqaddas dargoh” shiori ostida “Oila mustahkamligini ta’minlashda qaynona va kelinning o‘rni” mavzusida davra suhbati o‘tkazildi.
Unga Intellektual boshqaruv va kompyuter tizimlari fakultetida tahsil olayotgan talaba qizlarning qaynonalari taklif qilindi.
Tadbirda ibratli qaynonalar kelinlari ta’lim olishida ko‘maklashayotganliklari va o‘qimishli kelin tanlashlari sabablarini gapirib berdilar.
Shu bilan bir qatorda ishtirokchilar kundalik turmushda uchraydigan savollar berib kattalardan maslahat va tavsiyalar oldilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
