Andijon mashinasozlik instituti axborot-resurs markazida Qurolli Kuchlar tashkil etilganligining 33 yilligi hamda Vatan himoyachilari kuni munosabati bilan uchrashuv o‘tkazildi.
Unda Braziliyaning Rio-de-Janeyro shahrida o‘tkazilgan XV Paralimpiya o‘yinlari g‘olibi, “O‘zbekiston iftixori” sohibi Muzaffar Tursunxo‘jayev hamda Parij shahrida bo‘lib o‘tgan XVII yozgi Paralimpiya o‘yinlari ishtirokchisi Mashhurbek Abdusamatovlar ishtirok etdi.
Tadbir avvalida so‘zga chiqqan institut yoshlar bilan ishlash, ma’naviyat-ma’rifat bo‘limi boshlig‘i Muhtaramxon Xaliqova, Xodimlar va talabalar kasaba uyushmasi qo‘mitasi raisi Rasuljon Mamatov hamda "Talaba" sport klubi raisi o‘rinbosari Azamatjon Xaitovlar aholi salomatligini jismoniy tarbiya va sport orqali mustahkamlash, sportchilar zaxiralarini maqsadli tayyorlashga alohida e’tibor qaratilayotganini ta’kidlashib, chempionlarning sport sohasida erishgan muvaffaqiyatlari bilan tanishtirdilar.
Shundan so‘ng suzish bo‘yicha Osiyo va Jahon, Paralimpiya chempion va sovrindorlar Muzaffar Tursunxo‘jayev va Mashhurbek Abdusamatovlar o‘zining hayot yo‘li, sportga kirib kelishi, chempionlik cho‘qqilariga chiqishdagi qiyinchilik va to‘siqlari, qo‘lga kiritgan medallari tarixi haqida talabalarga so‘zlab berishdi. Shuningdek, kelgusida medallar sonini yanada oshirib, jahon, olimpiya rekordlarini o‘rnatish, yurt bayrog‘ini doimiy baland ko‘tarish haqida gapirishdi.
Tadbir davomida talabalar chempionlarga o‘zlarini qiziqtirgan savollarini berib, qiziqarli va sermazmun javoblar oldilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
