Andijon mashinasozlik institutida zamonaviy pedagogik texnologiyalar, foydali ta’lim dasturlari va metodlar bo‘yicha ilmiy hamda malakalarni rivojlantirish maqsadida seminar-trening o‘tkazilmoqda.
Bugungi seminarda institut korrupsiyaga qarshi kurashish va komplayens-nazorat bo‘limi boshlig‘i Valijon Turdiyev tomonidan 1-dekabrdan kuchga kirgan “Manfaatlar to‘qnashuvi to‘g‘risida”gi qonun mazmun-mohiyatini tushuntirishga bag‘ishlandi.
Mazkur qonunda “manfaatlar to‘qnashuvi” tushunchasiga aniq ta’rif berilgani, manfaatlar to‘qnashuvi kimlar o‘rtasida va qachon vujudga kelishi mumkinligi ko‘rsatib o‘tilgani qayd etildi.
Davlat tashkiloti xodimlari, ularning yaqin qarindoshlari va ularga aloqador shaxslarning manfaatlar to‘qnashuvining oldini olish sohasidagi huquq va majburiyatlari, cheklovlar, jumladan, qonun talablarini buzganlik uchun javobgarlik belgilangani hamda qonunning mazmun-mohiyati yig‘ilish ishtirokchilariga batafsil tushuntirildi.
Shuningdek, so‘zga chiqqanlar manfaatlar to‘qnashuvining kelib chiqish sabablari va shart-sharoitlarini bartaraf etish masalalariga to‘xtalib o‘tdi. Manfaatlar to‘qnashuvi holatlari chuqur tahlil qilinib, seminar ishtirokchilarining savollariga atroflicha javob berildi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
