Andijon mashinasozlik instituti Mashinasozlik texnologiyasi fakultetida "Yurtim qadriyatlari" ko‘rik tanlovining institut bosqichi o‘tkazildi.
Talaba-yoshlarning o‘qishdan bo‘sh vaqtlarini mazmunli o‘tkazish, shuningdek, yoshlarni milliy va umum insoniy, ijtimoiy-axloqiy, madaniy va ma’naviy qadriyatlarimiz, an’ana, urf-odat, milliy san’atimiz bilan yaqindan tanishtirish, tarixiy tafakkurini oshirish maqsadida tashkil etilgan tanlovda barcha fakultetlardan jamoalar ishtirok etdi.
Jamoalar belgilangan Nizom asosida uchta - Milliy an’ana, qadriyat va urf-odatlar, kompozitsion musiqiy chiqishlar, “Jadidlar jasorati - millatimiz faxri" shartlari bo‘yicha o‘zlarining bilim va iste’dodlarini namoyon etishdi.
Ishtirokchilarni institut birinchi prorektori Akmaljon Ermatov, institutning yoshlar bilan ishlash, ma’naviyat va ma’rifat bo‘limi boshlig‘i Muhtaramxon Xaliqova, O‘zbekiston davlat filarmoniyasi Andijon viloyati bo‘linmasi rahbari o‘rinbosari Akram Taraqlov, musiqa rahbari Oybek Rahmonovdan iborat hakamlar hay’ati baholab bordi.
Yakuniy natijalarga ko‘ra, Mashinasozlik texnologiyasi fakulteti jamoasi g‘oliblik va viloyat bosqichida ishtirok etish yo‘llanmasini qo‘lga kiritdi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
